Raġel iweġġa’ gravi f’inċident tat-traffiku

Raġel ta’ 81 sena residenti San Pawl il-Baħar, għal xi l-għaxra neqsin kwart ta’ filgħodu (0945hrs), ittieħed l-Isptar Mater Dei meta kien involut f’inċident tat-traffiku fi Triq San Publju, San Pawl il-Baħar.

Mill-ewwel stħarriġ irriżulta li r-raġel intlaqat minn Nissan Leaf, misjuqa minn Ukren ta’ 33 sena residenti s-Swieqi.

Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.

L-investigazzjonijiet mill-Pulizija għadhom għaddejjin.