Raġel iweġġa’ gravi f’inċident tat-traffiku

Numru ta' Referenza: PR_47_23, Data ta' l-Istqarrija : Jan 23, 2023
 
Raġel ta’ 73 sena residenti l-Marsa, għal xi d-disgħa tal-bieraħ filgħaxija (2100hrs), ittieħed l-Isptar Mater Dei għax weġġa’ f’inċident tat-traffiku fi Triq Patri Magri, il-Marsa.

Mill-ewwel stħarriġ irriżulta li r-raġel intlaqat minn Toyota Vitz, misjuqa minn raġel ta’ 21 sena residenti Ħal Tarxien.

Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.

L-investigazzjonijiet mill-Pulizija għadhom għaddejjin.