Illum, għal xi l-għaxra u nofs ta’ filgħodu (1030hrs), il-Pulizija ġiet infurmata li kien hemm bżonn l-assistenza fi Triq Ħal Far, Birżebbuġa.
Il-Pulizija marret minnufih fuq il-post u mill-ewwel stħarriġ irriżulta li raġel ta’ 51 sena residenti l-Imqabba weġġa’ waqt li kien qed juża mutur tal-ħart.
Tim mediku pprova jassisti l-vittma imma sfortunatament, ir-raġel ġie ċċertifikat mejjet fuq il-post.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
Il-Maġistrat tal-Għassa Dr Astrid May Grima LL.D ġiet infurmata u ħatret inkjesta filwaqt li l-investigazzjonijiet tal-Pulizija għadhom għaddejjin.