Anzjan iweġġa’ f’inċident tat-traffiku

Numru ta' Referenza: PR_125_21, Data ta' l-Istqarrija : Fra 16, 2021
 

Illum, għall-ħabta tat-tmienja u nofs ta’ filgħodu (0830hrs), il-Pulizija ġiet infurmata li kien seħħ inċident tat-traffiku fi Triq ix-Xatt Ta’ Xbiex.

Mill-ewwel stħarriġ irriżulta li raġel ta’ 75 sena residenti l-Mosta, kien intlaqat minn karozza Toyota Vitz misjuqa minn raġel ta’ 73 sena residenti Ta’ Xbiex.

Tim mediku ta l-ewwel għajnuna u ambulanza ħadet lir-raġel ta’ 75 sena l-Isptar Mater Dei. Aktar tard huwa kien iċċertifikat li weġġa’ gravi. 


L-investigazzjonijiet tal-Pulizija għadhom għaddejjin.​