Raġel isofri ġrieħi gravi fil-Belt Valletta

Numru ta' Referenza: PR_159_20, Data ta' l-Istqarrija : Mar 20, 2020
 

 Illum, għall-ħabta tal-għaxra u nofs (1030hrs), il-Pulizija ġiet infurmata li kien hemm bżonn l-assistenza tagħha, fi Triq Melita, fil-Belt Valletta.

 

Il-Pulizija tad-Distrett marru immedjatament fuq il-post fejn mill-ewwel stħarriġ irriżulta li raġel ta’ 54 sena residenti l-Mosta, indarab wara li waqa’ xi ħġieġ fuqu.

 

Fuq il-post issejjaħ tim mediku, sabiex ir-raġel jingħata l-assistenza medika. Huwa ttieħed l-Isptar Mater Dei fejn iktar tard ġie ċċertifikat li qed isofri minn ġrieħi gravi.

 

Il-Pulizija għadha għaddejja bl-investigazzjonijiet fuq il-każ.